Siðareglur HART

Siðareglur Hart, félags háskólamenntaðra táknmálstúlka

Markmið með túlkun er að túlka milli tveggja mála og menningarheima.

1.  Túlkur túlkar allt sem fram fer:

• Hann brúar bilið milli tveggja menningarheima.
• Hann leggur ekki mat á það sem hann túlkar.
• Hann ber ekki ábyrgð á því hvað þeir sem hann túlkar fyrir segja né hvernig það er sagt.
•  

2.  Túlkur er bundinn þagnarskyldu:

• Hann er bundinn trúnaði um allt sem hann verður áskynja í starfi sínu.
• Þagnarskyldan er alger nema hún brjóti í bága við landslög/almannaheill.
• Hann er bundinn þagnarskyldu til æviloka.

3. Framkoma túlks skal vera fagmannleg:

• Með símenntun viðheldur hann kunnáttu sinni og færni.
• Hann lætur í ljós skoðun sína á aðstæðum til túlkunar, ef þörf krefur.
• Hann hefur þekkingu á viðeigandi framkomu og málsniði í öllum þeim aðstæðum sem hann vinnur við.

4.  Skyldur túlks gagnvart starfsfélögum:

• Hann viðheldur faglegri virðingu starfstéttarinnar.
• Hann styður aðra túlka í starfi.
• Verði hann var við brot á siðareglunum, ræðir hann þau mál við viðkomandi túlk.

Gerist túlkur, sem er félagi Háskólamenntaðra táknmálstúlka, sekur um brot á siðareglum þessum getur hver sem er lagt málið  skriflega fyrir  formann siðanefndar Félagsins sem vinnur úr því samkvæmt vinnureglum siðanefndar.

Þannig samþykkt á félagsfundi HART, þann 8.apríl 2005